CulturaCulturaMúsicaÚltima hora

“Herdeiras”, un proxecto discográfico sobre as mulleres e a memoria

Vén da man de Carmen Penim resentarase en Santiago nun concerto previsto para o 23 de setembro ás 20h no Teatro Principal
Unha das imaxes da rolda de prensa na que se deu a coñecer o proxecto “Herdeiras” de Carmen Penim e na que participou o secretario xeral de Política Lingüística, Valentín García.

A construción da identidade, a visibilización e o sentido de herdanza. Son algunhas pezas claves nas que se apoia “Herdeiras. Muller, identidade e memoria”, o novo proxecto de Carmen Penim, un dos membros do dúo de músicos italo-galego 2naFronteira. Este traballo presentarase en concerto no Teatro Principal de Santiago de Compostela o vindeiro sábado 23 de setembro ás 20h.

A entrada terá un prezo de 5€ e no espectáculo participarán, ademais da propia Carmen, as músicas Carmen Gallego -violín-, Margarida Mariño -violonvello-, Marta Figueiredo -percusión-, a bailarina Xiana Vilas e o pianista Maurizio Polsinelli. Alén disto, tamén se poderá visionar Bucle, a curtametraxe que Margarita Ledo Andión fixo para o proxecto.

Así se anunciaba nunha rolda de prensa celebrada o 20 de setembro na que Carmen Penim estivo acompañada polo secretario xeral de Política Lingüística, Valentín García, quen quixo destacar na súa intervención “o gran valor que nos achega este traballo contado e cantado en clave feminina para recuperar, a través das voces de mulleres poetas actuais e dun audiovisual, a memoria na que a figura da muller quedou tantas veces silenciada ao longo da historia”.

“Herdeiras” é un libro-CD (poemas musicados, artigos e un audiovisual) no que colaboran as “herdeiras e herdeiros (netas e netos e fillas) de represaliados na época da guerra e a posguerra; e as principais intelectuais e poetas de Galicia que produciron obras sobre este tema”, segundo os promtores do proxecto. “Herdeiras” fala de “muller e dereitos, fala da construción da identidade, da visibilización, do sentido de herdanza, recuperando historias de mulleres resistentes e solidarias, represaliadas ás veces só por ter loitado por dereitos que hoxe consideramos obvios”.

 

Carmen Penim.

Carmen Penim musica nel poemas de Helena Villar, Carmen Blanco, Eva Veiga, Marga do Val e Marta Dacosta, ademais de letras da propia Carmen; tamén compila unha serie de artigos breves, da autoría de Aurora Marco, Montse Fajardo, Luís Bará, Pepe Cáccamo, Valentín García Bóveda, Carmen García-Rodeja Arriví, María Torres, Xosé Álvarez, Ana Paula Mejuto, Olivia Rodríguez, Xosé Manuel Cid, Xesús Alonso Montero, René Pacheco e Rodeja Arribí.

O traballo conta coa colaboración da Consellería de Cultura, Educación e Ordenación Universitaria, por medio das secretarías xerais de Cultura e de Política Lingüística.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close