A hixiene de mans, un xesto que evita infeccións e salva vidas

Grupo de Traballo do Servizo de Medicina Preventiva. 

No Día Mundial da Hixiene de Mans, venres 5 de maio, a Xerencia de Xestión Integrada do Sergas en Ourense súmase a estratexia, da Organización Mundial da Saúde, de concienciar da importancia para a saúde dunha correcta hixiene de mans, como medida esencial de prevención e control da infección e transmisión de xermes.

O lema elixido pola OMS este ano foi “A loita contra a Resistencia aos Antibióticos está nas túas mans” e que lembra a importancia deste sinxelo xesto, para reducir a transmisión dos xermes multirresistentes. Xermes ante os que os antibióticos son menos eficaces, e que dan lugar a brotes e infeccións graves, especialmente en pacientes de unidades de críticos ou institucionalizados.

A loita contra este tipo de xermes supón unha preocupación crecente, xa que representan unha importante ameaza para a saúde humana. De feito, estímase que as infeccións, por bacterias resistentes a antibióticos, causan na Unión Europea unhas 25.000 mortes ao ano, cifran dende o Sergas.

Ante a debilidade crecente dos antibióticos fronte a este tipo de infeccións, todas as institucións sanitarias coinciden na importancia dunha medida sinxela, e de baixo custo, como a hixiene de mans que, realizada de xeito adecuado e nos momentos precisos, pode chegar a reducir a transmisión de patóxenos, en centros sanitarios, en máis dun 50%.

Para difundir este importante pero sinxelo xesto, no Complexo Hospitalario Universitario de Ourense (CHUO) constituíuse, de xeito pioneiro xa en 2007, un Grupo de Traballo para a mellora das prácticas de hixiene das mans que, promovido polo Servizo de Medicina Preventiva. Este grupo leva a cabo ao longo do ano numerosas actividades de cara a manter e mellorar a práctica correcta da hixiene de mans entre o persoal sanitario.

Dentro desta programación, na mañá do 5 de maio, o CHUO acolleu unha mesa informativa,  atendida por persoal sanitario de Preventiva, da Unidade de Calidade e alumnas da Escola de Enfermería de Ourense, para distribuír, entre persoal e visitantes, consellos e material informativo.

Consellos

Ademais de realizar unha correcta hixiene de mans, con auga e xabón ou cunha solución hidroalcólica, é importante saber cando realizala, tendo en conta especialmente 5 Momentos Clave: Antes e despois de tocar ao paciente ou súa contorna, antes de realizar unha tarefa limpa ou aséptica (como realizar unha cura, colocar unha vía, darlle a comida ou medicación, etc.) e despois da exposición a fluídos corporais do paciente (ao retirar material sucio como cueiros, vendaxes, etc.)

Estes consellos son útiles tamén para a poboación xeral, especialmente aqueles que coidan en casa dunha persoa enferma, convalecente dunha intervención, ou fráxil. Contribuíndo así a manter unhas medidas de hixiene preventivas e de control das infeccións.

De feito, para promover a estratexia da OMS de dar un maior protagonismo aos pacientes, fomentando seu coñecemento da importancia da hixiene de mans, por parte do persoal sanitario ou coidadores, desde o Grupo de Traballo de Hixiene de Mans, mantéñense distintas liñas de actuación con pacientes e familiares, como vía para facer deles axentes activos no cumprimento destas prácticas seguras, tanto no hospital como na casa, informan dende o CHUO.

Os consellos tamén se poden aplicar ao persoal sanitario e á poboación xeral. 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies