Homenaxe a Dorinda Pérez, cantora de Pradolongo, en Vilamartín de Valdeorras

O acto estivo organizado polos Amigos do Filandón, da man de Xosé Lois Foxo

O ano pasado foi Sebastián López Paradelo, cantor de Correxaia, e este ano foi Dorinda Pérez Rodríguez, cantora de Pradolongo (A Veiga) a homenaxeada polos Amigos do Filandón. O acto tiña lugar no mediodía do 6 de maio, Día da Nai, no Complexo Hospitalario Paladium, en Vilamartín de Valdeorras. Alí celebrábase un xantar na súa honra e no transcurso do acto, o presidente da Real Banda de Gaitas, Xosé Lois Foxo, entregáballe a medalla de Ouro.

O evento, ao que asistiron numerosas persoas de todo Valdeorras (entre elas o alcalde de A Veiga, Juan Anta), contou asemade coa lectura de poemas e actuacións musicais.

Dorinda Pérez Rodríguez naceu en Pradolongo o 29 de marzo de 1921 e con esta homenaxe “queremos agradecerlle a ela e a toda a súa familia o ternos aberto as portas da casa desde o primeiro día que chegamos a Pradolongo”, asegura Foxo como amigo do Filandón, explicando que lles trasmitiu “unha multitude de vellos cantares, os que gardou desde nina na súa memoria prodixiosa”. O seu grande patrimonio lírico pasará a formar parte da gran catedral do saber popular. “Grazas a mentes ilustres como a de Dorinda a cultura de Galicia segue viva e acrecéntase coas súas coplas e composicións propias”, conclúe Foxo.

Fotos: Mónica G. Bellver.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies