OurenseÚltima hora

Homenaxe a Etelvino Blanco o 3 de outubro en Ourense

Este acto, que terá lugar ás 20h. no salón de actos da Casa Sindical da cidade, será promovido pola CIG Ourense

Imaxe de Etelvino Blanco, falecido o pasado mes de xullo./ Foto: Carlos G. Hervella.

 

O vindeiro 3 de outubro a CIG Ourense promoverá un acto de recoñecemento e de despedida “ao compañeiro Etelvino Blanco, tristemente falecido o pasado mes de xullo”. Así o vén de facer púbico a súa executiva comarcal. Esta homenaxe está prevista para ás 20:00 h. no Salón de Actos da Casa Sindical de Ourense, “no mesmo lugar no que tantas veces Etelvino se dirixiu a centos de traballadores e traballadoras de todos os sectores produtivos, animándoas a manter en pé a dignidade obreira e a loitar por unha vida mellor, por unha sociedade máis xusta, e por unha Galicia soberana”, segundo a central sindical.

Blanco foi secretario comarcal desde o nacemento da actual Confederación Intersindical Galega e ata hai dous anos. Este sindicato cualifícao de “histórico e singular líder sindical, comprometido co sindicalismo nacionalista e de clase desde os anos 70, e motor dos movementos sociais e veciñais que loitaron por importantes melloras para Ourense, e polo mantemento dos nosos servizos públicos e sociais. Deixa en nós unha pegada absolutamente indeleble e permanecerá sempre na memoria colectiva do conxunto da sociedade, pero moi especialmente, na da clase traballadora e na do noso sindicato”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close