Homenaxe do Concello aos infantís do C.D. Rúa polos resultados nesta tempada

O equipo, adestrado por Luis Mª Ferrer, vén de ganar a Copa Deputación 2019

Con equipos competindo nas categorías benxamín, alevín, infantil e cadete (ademais da sénior) é importante e digno mención o labor do C.D. Rúa cos máis pequenos. Un traballo que non pasa desapercibo, nin para a poboación nin para o Corporación Municipal.

Estaba prevista para o domingo 5 de maio no campo de fútbol, pero finalmente era hoxe día 7 cando o Concello rues rendía homenaxe ao equipo infantil do Rúa en particular a todo o club en xeral, no ano en que celebra o 50º aniversario.

O acto tiña lugar no salón de actos por parte do alcalde Luis F. Gudiña e do concelleiro de Deportes Avelino Fernández, que entregaban aos cativos que forman o plantel adestrado por Luis Mª Ferrer, unha placa “en recoñecemento ao labor formativo do C.D. Rúa nas categorías inferiores”.

 

A copa de campións dos infantís do C.D. Rúa e a placa entregada polo Concello.

 

Todos os cativos que semana a semana demostran o aprendido sobre o céspede teñen o seu mérito pero os que destacaron nesta ocasión foron os infantís que hai apenas unha semana se proclamaban campións da Copa Deputación de Ourense na súa categoría.

Despois de eliminar á A.D. Bosco en semifinais (2-5 a domicilio no partido de ida e 1-2 en casa no de volta), o Rúa enfrontábase á E.D.C. Barbadás na final disputada en Celanova, e aí os valdeorreses demostraban o seu bo facer culminando o encontro co 2-1 no marcador a favor dos amarelos que se proclamaban así campións infantís desta tempada.

Fotos cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies