Abrindo a programación cultural do mes de agosto en Viana do Bolo, na tarde-noite do 5 de agosto celebrábase na Casa da Cultura a XI Mostra de Corais organizada polo Orfeón Vianés, con especial referencia a Manuel María, homenaxeado este ano no Día das Letras Galegas.
O concerto coral arrancaba pasadas as nove da noite coa actuación do anfitrión, o Orfeón Vianés, e de seguido subía ao escenario a Coral Ars Cantorum de Guillade (Pontevedra). O terceiro en actuar sería o dúo formado polo cantautor Luis Correa e o vianés Carlos Ares que presentaron “Sentindo a Manuel María”, unha serie de poemas do autor galego, musicalizados e interpretados por Correa coa explicación didáctica de Ares. Un dos temas, “O Carro” foi interpretado polo Orfeón Vianés acompañado á zanfona por Luis Correa.
O concerto pechábase coa actuación conxunta das dúas corais.
Fotos: Carlos G. Hervella.