No mediodía do 21 de novembro gardábase un minuto de silencio en recordo ás vítimas de accidentes de circulación. Esta homenaxe tiña lugar diante da Xefatura Provincial de Tráfico en Ourense e a ela acudían o subdelegado do Goberno nesta provincia, Roberto Castro, representantes das Forzas e Corpos de Seguridade do Estado e outras autoridades. Con este xesto buscábase “concienciar á cidadanía e a todos os axentes da sociedade da traxedia personal e social que supoñen os accidentes de tráfico, así como da importancia de avivar a conciencia no ámbito da seguridade vial”, tal e como se indica dende a Subdelegación do Goberno en Ourense.
Durante o acto Roberto Castro lembraba ás Asociacións de Vítimas, e especialmente ás propias vítimas e aos seus familiares, que “a través da Dirección Xeral de Tráfico, o Goberno nn só vela por que cada día haxa máis minutos sen falecidos por este motivo, senón que se pon sempre á súa disposición”. No que vai de ano 2016 na provincia de Ourense son 11 os fallecidos en accidentes nas estradas.
Fotos cedidas.
