Cunha programación especial celebrará O Barco a 50 edición do Descenso Internacional do Sil. A proba deportiva está programada para o 10 de setembro, pero a véspera, venres día 9, terá lugar un acto moi especial no Teatro Lauro Olmo. Nel proxectarase un video histórico que percorrerá a historia deste evento, “50 anos de Descenso do Sil”, seguido dunha serie de homenaxes “a determinadas persoas significativas na vida deste evento deportivo”. Ademais inaugurarase no exterior do Teatro Lauro Olmo unha mostra dos cartaces realizados ao longo deste medio século para promocionar o descenso.
Outra das propostas de programa, promovido dende a Concellería de Deportes do Barco, será unha xuntanza de piragüistas barquenses que teñan competido neste descenso ao longo destes 50 anos.
Máis información en O Sil Deportivo de setembro e no Especial Cristo 2016.