En portadaGalerías de fotosÚltima hora

“Hoxe a godello é a variedade branca de moda no mundo”

Luís Paadín presentaba en Valdeorras a edición do 2017 da Guía de Viños, Destilado e Adegas de Galicia nun acto no Pazo do Castro

Unhas 545 adegas de toda Galicia, máis de 1.500 referencias e de 64 fichas de catas. Son algunhas das cifras da edición do 2017 da Guía de Viños, Destilados e adegas de Galicia, que dirixe o sumiller Luís Paadín, e que se presentaba na mañá do 19 de decembro en Valdeorras. O acto tiña lugar no Pazo do Castro e contaba coa presenza de diferentes adegueiros desta denominación ourensá e de membros da Ruta do Viño de Valdeorras.

Comezaba coa intervención do presidente da Asociación da Ruta do Viño de Valdeorras, Joaquín Sánchez, quen lembraba a traxectoria de 25 anos de Luís Paadín no mundo vitivinícola e definía á guía como unha “impulsora e embaixadora dos viños galegos” dentro e fóra da comunidade.

 

Portada da “Guía de Viños, Destilados y Bodegas de Galicia 2017”.

Pola súa banda, Luís Paadín referíase ao labor desta entidade valdeorresa e á importancia do enoturismo, que “é un futuro prometedor”. De seguido centrábase nos contidos desta quinta edición da guía, “a única libre de publicidade”, e resaltaba a participación “arrolladora” das adegas de Valdeorras nesta edición, que superaron a trintena.

Asemade comentaba as altas puntuacións acadadas nas catas no caso dos viños brancos desta denominación de orixe e tamén, “de forma illada”, no caso dalgúns do seus tintos. E subliñaba o gran momento que vive a godello a nivel internacional: “é a variedade branda de moda neste momento no mundo”.

 

Fotos: Carlos G. Hervella.

Máis información na edición en papel do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close