CulturaCulturaGalerías de fotosÚltima hora

Humor, fantasía e solidariedade nas Xornadas de Teatro da Rúa

A recadación da obra "A Fantástica Caixa Máxica" de TEF de Chaves irá destinada á AECC en Valdeorras

 

Moi especial foi a terceira función das X Xornadas de Teatro da Rúa, que se están celebrando no Centro Cultural Avenida. Non só polo carácter internacional que lle deu a participación, un ano máis, do grupo Teatro Experimental Flaviense de Chaves de Portugal; senón polo carácter solidario, xa que a recadación irá destinada integramente á Asociación Española Contra o Cancro en Valdeorras.

E foron moitas as persoas que na tarde do 17 de novembro asistían ao teatro, rindo e desfrutando da divertida obra A Fantástica Caixa Máxica, un invento do grandioso e extraordinario Mago Pantaleão que pode cumprir desexos: un pobre que se quere converter en rico, un león que quere ser domador, unha fada que querer ser bruxa,… Ofrecendo os seus servizos a xentes das cidades, intenta gañar algúns cartos e como a maxia ten estas cousas, ás veces o feitizo vólvese en contra do feiticeiro.

A nota musical do acto púxoa Abertal (banda de gaitas, pandereteiras, coro,…) coa interpretación dun par de pezas trala representación.

A seguinte función das xornadas de teatro, a cuarta desta edición, será o vindeiro domingo 24 de novembro a cargo de Namarella Teatro de Verín coa obra O Baño.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close