OurenseÚltima hora

Humor, teatro e cinema esta fin de semana en Ourense

Manquiña, Rober Bodegas e Luis Zahera protagonizan o espectáculo cómico do 16 de xaneiro no Auditorio
Luis Zahera e Manquiña protagonizan "Noites de retranca" xunto a Rober Bodegas.
Luis Zahera e Manquiña protagonizan “Noites de retranca” xunto a Rober Bodegas.

Con xaneiro, arranca a programación cultural do 2015 organizada dende o Concello de Ourense, con grandes doses de humor.

Así, o venres 16 de xanero, o Auditorio acollerá ás 20:30h. o espectáculo “Noites de Retranca” cun elenco formado por Maquiña, Rober Bodegas e Luis Zahera e conducido por Mofa e Befa onde o protagonista será o humor negro e retranqueiro galego. Ese mesmo día ás 20h. a Banda Municipal dará un concerto no Liceo.

O día seguinte, sábado 17 ás 20:30h. será o turno do teatro da man de “Vagos y Maleantes”, da compañía Sudhum Teatro. A obra conta a historia da evolución da lei do Código Penal español do 4 de agosto de 1.933, referente ao tratamento de vagabundos, errantes, proxenetas e calquera outro elemento considerado antisocial.

A programación infantil chegará o domingo día 18 ás 12h. con “Donde viven los monstruos, adaptación do libro “Where the wild things are” de Maurice Sendak. A obra narra cas peripecias de Max, un neno que pasa o día facendo trasnadas, a súa nai, cansa coa situación castígao. Enfadado, decide viaxar a un mundo marabilloso onde viven os monstros, un lugar diferente. Max vivirá aventuras extraordinarias ata converterse en rei, unha tarefa máis difícil do que el pensa. Ese mesmo día pola tarde, a partires das 18h. terá lugar unha nova proxección da película A Esmorga, que regresa ao Auditorio tras varios pases cun grande éxito de acollida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close