DeportesÚltima hora

I Andaina Penedos do Lobo en Manzaneda, o vindeiro 1 de xullo

Será organizada polo Club Montaña Trives que tamén promoverá neste verán actividades multiaventura e de sendeirismo
Imaxe dun camiñante na zona de montaña de Manzaneda./ Foto: Carlos G. Hervella.

Deporte, natureza e coñecemento do entorno. Son algúns dos aspectos que comparten as actividades que o Club Montaña Trives organizará durante o vindeiro mes de xullo. A primeira delas será a “I Andaina Penedos do Lobo”, cuxo lema é “Coñece Manzaneda”. Está prevista para o vindeiro 1 de xullo e percorrerá unha distancia de case 10 km. Faranse dous grupos con dúas saídas diferentes: unha ás 9h. dende a cafetería do autoservizo Manzaneda e outra ás 9:30h.

As inscricións poderán realizarse no enderezo electrónico club.montana.trives@gmail.com ata o 29 de xuño. O custe da inscrición é de 15 euros e inclúe almorzo e xantar e a andaina estará limitada a 40 persoas.

Tamén en xullo o Club Montaña Trives promoverá unha actividade multiaventura con rocódromo, tirolina e labirinto infantil, que terá como escenario a praza do Concello de Trives o día 21 de xullo (de 10h e a 14h e de 16h. a 19:30h.). Será de balde e con niveis de dificultade para todas as idades.

Ademais o 14 de xullo farase unha segunda andaina, desta volta pola Ruta do Glaciar, tamén en terras de Manzaneda, e cun esquema organizativo moi semellante á do 1 de xullo e cunha distancia que roza os 10 km. O prezo será tamén de 15 euros e a inscrición poderá realizarse no citado enderezo electrónico do club.

 

Cartel da actividade organizada polo Club Montaña Trives.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close