DeportesÚltima hora

I Andaina Soldaria pola Reforestación en Trives

Terá lugar o 30 de decembro a partires das 10h. dende a praza do Reloxo da vila e cubrirá unha distancia de 6,5 km
Imaxe do cartel da andaina trivesa.

Xusto antes de despedir o ano, o Club Montaña Trives propón unha actividade que mestura o deporte, co medio ambiente e coa solidariedade. Trátase da I Andaina Solidaria pola Reforestación, que se celebrará o vindeiro 30 de decembro a partires das 10h. “Esta será a primeira de tres andainas para a recadación de fondos destinados a reforestar as zonas queimadas da nosa comarca e arredores”, adiantan dende a organización.

O punto de partida do traxecto será a praza do Reloxo. Dende aí os participantes afrontarán un camiño de dificultade baixa e cunha distancia de 6,5 km (unha hora e media de duración, aproximadamente). As persoas interesadas en sumarse a esta proposta poden realizar a súa inscrición no correo electrónico club.montana.trives@gmail.com ou na mesma saída o día da andaina.

O prezo da inscrición será de 5 euros por dorsal. Tamén haberá “dorsais solidarios para a xente que queira contribuír e non poda asistir, e poranse a venda dende o día 22 de decembro”, din dende o Club Montaña Trives.

Dende a organización tamén se recomenda levar á camiñata roupa impermeable e de abrigo. Ao final está preivsta unha gran chocolatada para todos os asistentes no Sky.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close