A partires das once da mañá do vindeiro 23 de agosto partirá dende Sabuguido a I Andaina Solidaria de Vilariño de Conso. Discurrirá entre esta localidade e a de Edrada, onde ao termo do percorrido se ofrecerán uns pinchos aos participantes. A iniciativa será “a favor da Fundación Andrea. Trátase dunha fundación que axuda aos nenos con cancro e largas enfermidades, por desgracia no Concello temos a Diego, un neno con este tipo de enfermidade a o cal levan axudado moito así como aos seus pais”, tal e como se indica dende o Concello de Vilariño de Conso, organizador da andaina.
Ademais esta actividade contará co apadriñamento do actor Rubén Riós. As persoas interesadas en inscribirse poderán facelo chamando ao teléfono do Concello de Vilariño de Conso: 988 34 03 02.
