Publicidade
DeportesÚltima hora

I Andaina Solidaria Móvete polas Enfermidades Raras, o 15 de marzo no Barco

Ademais o 12 de marzo ás 20h. terá lugar unha charla divulgativa na biblioteca da vila

 

Achegar o coñecemento das enfermidades raras e xerar conciencia sobre elas é o obxectivo dunha campaña que está a desenvolver a nivel nacional Anasbabi (Asociación Nacional Sindrome de Bardet-Bield) e Ciclopatías. Tras un primeiro evento deportivo e benéfico na Rúa o 1 de marzo, esta entidade promove agora unha nova Andaina Móvete polas Enfermidades Raras o 15 de marzo ás 11h. no Barco.

A presentación desta proba solidaria non competitiva tiña lugar na mañá do 6 de marzo no Concello do Barco e nela contábase coa presenza do concelleiro de Servizos Sociais e Sanidade, Orlando Saavedra; do presidente de Anasbabi, José Carlos Pumar, así como de dous membros da directiva do Club Peña Trevinca Barco, o seu presidente, José Miguel de la Cal, e seu vogal de montaña José López. Esta entidade colabora na organización da proba que terá dous traxectos: un de 5 km e outro de 10 km (con saída e meta do Malecón). O custe das inscricións será de 7 euros.

 

 

Por outra banda, Anasbabi impartirá charlas divulgativas sobre as enfermidades raras nos institutos e o 12 de marzo está prevista unha charla coloquio na Biblioteca Florencio Delgado Gurriarán do Barco ás 20h. co título “Que sabemos das enfermidades raras?”. Nela intervirán José Carlos Pumar, presidente de Anasbabi; Alba María García, investigadora biomédica, e Luis Ocampo, pediatra do hospital barquense.

Fotos: A.R.

Máis información e inscricións:
https://clubtrevincabarco.org/club/movete2020/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close