Na vila do Castro púxose en marcha este 24 de febreiro outra nova iniciativa derivada da inmensa enerxía que ten Valdeorras. Preto de trescentas persoas asistiron á I Festa das “Porretas” na finca de Gelo Carrera para exaltar este manxar, o que non lle faltaron ilustres acompañantes nun completo menú: degustación de aceites de Valdeorras e queixos para o aperitivo, porretas, chourizos con cachelos, cabrito asado con ensalada, viños Mencía e Mozafresca, bica, leite frita, café…
Houbo pregón de Isidro García Tato e non deixou de animar a festa o grupo de gaitas Abertal da Rúa. Na organización participou o catering Mantesil, e sobre todo: unha nova posta en valor de tanta riqueza e vida que ten Valdeorras, este SurEste Galego aberto ao mundo e obrigado de visitar.
Texto e fotos: José Ángel Rodríguez.