OurenseÚltima hora

Ibuprofeno Teatro trae ao Auditorio de Ourense a súa última montaxe “O mel non caduca”

Esta traxicomedia sobre a obsolescencia programada e a degradación do planeta comezará ás 20:30h.

 

Dous científicos/ apicultores, en 2173, levan a cabo sofisticados e absurdos experimentos, nun contexto de futuro distópico no que o planeta está arrasado. Tratan de crear sinteticamente unha abella a partir do último tarro de mel que se conserva na historia. É a trama sobre a que xira O mel non caduca, a nova montaxe da compañía galega Ibuprofeno Teatro, dirixida por Santiago Cortegoso e interpretada por Marián Bañobre e Avelino González que chega mañá ao Auditorio de Ourense (20:30h.).

Trátase dunha traxicomedia arredor da obsolescencia programada, da relación do ser humano cos obxectos e a degradación ecolóxica do planeta por mor da perversa lóxica capitalista, do crecemento e do consumo masivo de produtos. Unha obra, di a compañía, “para emocionar e concienciar e tamén para rir e emocionar”.

As entradas, desde 3 euros, pódense adquirir en www.ataquilla.com, no teléfono 902 504 500, na Sede de Afundación (Praza Maior, 4) e no despacho de billetes do Auditorio dúas horas antes da función.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close