Publicidade
EconomíaEconomíaÚltima hora

“Igape Responde”, novo programa de asesoramento a autónomos e Pemes

Proporcionará información sobre as medidas impulsadas pola Administración galega para facilitar a volta á actividade do tecido empresarial con garantías

Publicidade

 

 

Co fin de fortalecer e reorganizar os servizos de acompañamento aos colectivos empresariais ante a situación xerada pola covid-19 a Xunta vén de poñer en marcha un novo programa: “Igape Responde”. Trátase dunha iniciativa “dirixida a ofrecer asesoramento inmediato a autónomos e Pemes para reactivar a súa actividade e que vai contar cos servizos dunha nova convocatoria da liña ReAcciona para facilitar orientación sobre como adaptar os negocios ás novas necesidades”, tal e como informa a Consellería de Economía.

Tanto a través do teléfono (900 815 151) como do correo electrónico (igaperesponde@igape.es) proporciónase asesoramento sobre as medidas impulsadas pola Administración autonómica co obxectivo de facilitar a volta á actividade do tecido empresarial galego con garantías de seguridade para a saúde e para mellorar a competitividade no novo contexto económico derivado da pandemia. Deste xeito, a través destas canles, autónomos e empresas poden consultar os apoios xa activados e os que entrarán en funcionamento proximamente.

Ademais, a través da xanela única que ofrece o Igape Responde, tamén estarán dispoñibles os servizos que se porán en marcha mediante a nova convocatoria do ReAcciona, que se prevé publicar mañá no Diario Oficial de Galicia, e que achegarán orientación e apoio individualizado sobre as medidas de implantación rápida que se deben adoptar a nivel xeral, na reorganización estratéxica e operativa dos negocios, así como no que se refire a proxectos de dixitalización e innovación para manter e impulsar a actividade produtiva.

En concreto, ofrecerá soporte personalizado en aspectos como a implantación do teletraballo, prestacións de servizos e promoción en liña, busca de financiamento e reconfiguración da oferta comercial.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close