DeportesÚltima hora

II andaina “Serra Mosteironda”, o vindeiro 30 de outubro

O evento poñerá en valor antigos sendeiros do Concello de Velle
Rosendo Fernández, Francisco Sotelo, David Hermida e Bernardino González.
Rosendo Fernández, Francisco Sotelo, David Hermida e Bernardino González.

A segunda edición da andaina “Serra Mosteironda” está fixada para o vindeiro domingo, 30 de outubro. Así o anunciaba a asociación de veciños Santa Marta, do Concello de Velle, que se desprazou até o Pazo Provincial da Deputación de Ourense para presentar o evento deportivo. Na representación do colectivo foron o presidente Francisco Sotelo e David Hermida, vogal. Por parte da Deputación, estivo presente o vicepresidente, Rosendo Fernández, e o asesor de Deportes do goberno provincial, Bernardino González.

Esta andaina é “unha actividade importante dentro da asociación”, explicou o presidente da asociación organizadora, que engadiu que a levan a cabo “co fin de dinamizar a parroquia de Velle para que a xente de fóra e incluso do pobo coñezan camiños, zonas e paseos que estaban abandonados e que coa andaina se poñen de novo en valor”. O vicepresidente da Deputación incidiu, pola súa banda, na importancia de colaborar con actividades coma esta que mestura “deporte, saúde, gastronomía e turismo”.

A proba contará con dous traxectos. O longo contará con 18 quilómetros e o curto será de só 10. Segundo din dende a organización, o percorrido é “accesible para calquera persoa” e terá saída ás 9:30 horas dende a área recreativa O Palao. Para participar, os interesados poderán inscribirse até o 28 de outubro. O custe da inscrición é de cinco euros, que inclúe andaina, dous avituallamentos, un obsequio e aperitivos ao finalizar a proba.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close