O certame, organizado pola IGF, celebrarase do 24 ao 26 de xuño en Ourense
O Hotel Balneario Laias Caldaria acollía na mañá do 24 de xuño a recepción oficial conxunta das delegacións dos dez países participantes no II Festival Internacional da Canción Popular Queixumes dos Pinos IGF Caravan 2014 que se desenvolverá en Ourense ata o 26 de xuño. Os países participantes son Arxentina, Bielorusia, Rumanía, Bulgaria, República Checa, Israel, Turquía, Italia, Francia e España.
O acto estivo presidido polo presidente da IGF (International Union of Folklore Associations) Dorel Cosma, e contou coa asistencia do vicepresidente José Antonio Viñas Mira así como representantes institucionais como o subdelegado do goberno Roberto Castro e o delegado territorial da Xunta Rogelio Martínez, entre outros.