II Xornada previa de atletismo en pista “Xogade”, no Barco

Atletas alevíns, benxamíns e infantís de diferentes partes do oriente ourensán participaban na II Xornada previa de atletismo en pista “Xogade”, que se desenvolvía ao longo da tarde do 14 de abril nas pistas barquenses de Calabagueiros.

Entre os clubs participantes non faltaba unha ampla representación do Club Adas, así como do Club Atletismo Rúa, do CEIP Bermúdez Couso de Trives ou co CEIP de Viana do Bolo. O programa deportivo comezaba ás catro e media da tarde coa proba de 3 km marcha infantil e co lanzamento de martelo, logo viña o salto de altura, seguido de carreiras de diferentes distancias, ademais do lanzamento de peso e do triple salto.

A organización desta proba estaba en mans da Delegación Valdeorresa da Federación Galega de Atletismo (FGA) e contaba co control do Comité Valdeorrés de Xuíces da FGA e co patrocinio do servizo provincial de Deportes da Xunta de Galicia.

 

Fotos: A.R.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies