II Xornadas de Saúde Mental materna en Ourense

Neste foro participaban 14 relatores distribuídos en 4 mesas redondas nas que se abordaban temáticas como os “cambios na muller embarazada”, a “infertilidade”, a “adopción” e a “xestación subrogada”

O Centro Cultural Marcos Valcárcel de Ourense acollía os días 3 e 4 de maio as II Xornadas de Saúde Mental coa asistencia dunhas 60 persoas. Neste foro participaban 14 relatores distribuídos en 4 mesas redondas nas que se abordaron temáticas como os “cambios na muller embarazada”, a “infertilidade”, a “adopción” e a “xestación subrogada”.

Entre as aportacións realizadas polos ponentes, dende a organización salientánse, entre outras, que “que a nai fume no embarazo ten como consecuencia que diminúa a capacidade reprodutiva da filla que está xestando ata o 50%” de David Gómez (médico obstetra) e que “non apartemos a mirada cando hai unha perda, morreu, pero era meu fillo”, tal e como apuntaba Iria Figal (psicóloga perinatal).

A psicóloga Yudit González apuntba que “dar un fillo en adopción supón a última proba de amor, e quizais a máis grande, por parte da familia biolóxica que considera que pode darlle a ese fillo a oportunidade de ter un fogar máis protector, por elo debemos mirar a esa familia biolóxica con moitísimo respecto”.

Esta iniciativa está promovida por Physiovertex coa colaboración da Deputación de Ourense e do Concello e con patrocinadores do comercio local. “As impresións foron moi boas, valorouse tanto a boa organización como a calidade das intervencións”, aseguran dende a organización das xornadas.. A cita terá continuidade anual.

Fotos cedidas.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies