En marcha está xa a organización do Viñotapeo de Quereño (Rubiá). Tras a boa acollida de anos anteriores, preparan a terceira edición, que terá lugar o vindeiro 3 de xuño a partires das oito da tarde. Desta volta serán dez as adegas participantes, que ofrecerán pinchos diferentes e suculentos, ademais de viño (branco e tinto).
A entrada poderá mercarse no inicio do percorrido a un prezo de 8 euros e con ela os participantes recibirán unha taza e un obsequio, ademais de poder visitar as adegas. A celebración concluirá en torno á medianoite na pista polideportiva da Casa da Cultura de Quereño, onde se servirán doces e cafés. Tamén alí se instalará unha pantalla xigante para poder seguir a final da Champions.