Continúa a axenda de visitas pola provincia de Ourense dos cinco importadores de EEUU e Canadá que participan na misión inversa que promove a Confederación Empresarial de Ourense (CEO) dende o 18 de xuño. Na xornada do 19 de xuño visitaban adegas como Quinta do Rebolo, Sameirás ou Bodegas Gallegas, na Denominación de Orixe Ribeiro, e xa neste mércores desprazábanse ata a comarca de Valdeorras para coñecer viñedos, adegas e viños. Repartíanse por adegas como Joaquín Rebolledo e A Coroa (A Rúa), Godeval (O Barco) e O Casal (Rubiá).
