Inaugúrase o cursiño de piragüismo na Rúa

As clases son impartidas polo Club Fuvial Barco os martes e xoves de 12 a 13:30h.

Piraguas de cor laranxa, azul, amarela ou verde percorren dende a mañá do 12 de xullo as augas do encoro de San Martiño na Rúa. Nesta xornada vén de inaugurarse o cursiño de piragüismo que se desenvolverá ata finais de agosto coa participación de 24 nenos e nenas da Rúa e do Barco de Valdeorras. Está impartido polo Club Fluvial Barco con clases que terán lugar os martes e os xoves de 12h. a 13:30h. e serán impartidas por Sergio Ruíz e Marta Paradelo.

Na apertura do curso, monitores e alumnos estaban acompañados polo alcalde da Rúa, Luis Fernández, e polo concelleiro de Deportes, Avelino Fernández.

O encoro é segundo os membros do club de piragüismo “un lugar idóneo” para a práctica deste deporte, ata o punto de que eles mesmos adestran nas súas augas. E proba diso é que no mes de agosto acollerá a quinta proba da Copa Deputación. “A competición consta de cinco regatas: a primeira foi en Muíños, a segunda será en Avión, a terceira en Barra de Miño, a cuarta en Allariz e a última será na Rúa”, explica Jesús Rodríguez.

Fotos: Mónica G. Bellver/ Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies