EconomíaEconomíaÚltima hora

Inaugúrase o foro “Biofim Expoforum Noroeste” en Santiago

Reúne a representantes dos sectores do control de pragas da comunidade
A directora xeral de Gandaría, Agricultura e Industrias Agroalimentarias, Belén do Campo, nun dos momentos do acto inaugural desta xornada.
A directora xeral de Gandaría, Agricultura e Industrias Agroalimentarias, Belén do Campo, nun dos momentos do acto inaugural desta xornada.

Os profesionais dos sectores de control de pragas, fitosanitarios e empresas de tratamento de madeira reúnense en Santiago no marco do foro “Biofim Expoforum Noroeste”. O seu acto inaugural, que tiña lugar na mañá do 12 de novembro en Santiago, contaba coa presenza da directora xeral de Gandaría, Agricultura e Industrias Agroalimentarias, Belén do Campo; así como do presidente da Asociación Galega de Empresas de Control de Plagas (AGACPRA), o valdeorrés José Antonio Quiroga.

Na súa intervención, do Campo aludía á problemática xeral das pragas, indicando que o correcto deseño, o mantemento preventivo razoable e dilixente, así como o sentido común, evitan moitas das dificultades xeradas por este motivo. Falaba en particular da importancia dun mantemento preventivo eficiente das instalacións, que facilite a prevención e, no seu caso, a detección precoz e a solución rápida e eficaz dos problemas.

Referíase ademais ao problema da vespa velutina na comunidade galega e ao labor desenvolvido para conter esta especie invasora, coa posta en marcha dun programa específico de vixilancia e control. Advería asemade de que este insecto non só afecta á produción apícola pola súa forte capacidade predadora sobre as abellas, senón tamén ao medio ambiente, pola predación sobre outros insectos, o que ocasiona unha menor polinización da flora silvestre.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close