Inaugúrase o programa “Verín, enclave de gaita” cunha exposición no Museo Claustro Mercedario

Tivo lugar hoxe, día seis de agosto, ás 12:00 horas, da man de Xosé Lois Foxo

 

Saúdo entre o alcalde, a concelleira de Cultura, e Xosé Lois Foxo.

 

O Museo Claustro Mercedario acolleu nesta mañá de 6 de agosto a inauguración de “Verín, enclave de gaita”, da man do director da Real Banda de Gaitas de Ourense, Xosé Lois Foxo. Esta actividade inaugural, a cal comezou ás 12:00 horas, foi a presentación dunha exposición de gaitas primitivas, procedentes de todo o mundo, e mostras iconográficas.

Unha das pezas clave presentes na exposición son os músicos do retablo do Santuario dos Remedios (gaiteiro, tamborileiro e pandereteira) datados do ano 1 625 e que foron cedidas polo Obispado de Ourense xusto despois da súa recente restauración.

 

 

A este acto asistían, o alcalde de Verín, Gerardo Seoane, e a concelleira de Cultura, Emilia Somoza. Os representantes do Concello destacaron que “a identidade é un factor clave para a construción do futuro. É por iso que programacións como “Verín, enclave de gaita”, ou o resto das comprendidas entorno a este Museo Claustro Mercedario, son fundamentais e necesarias para a posta en valor da nosa historia e da nosa vila.” Así mesmo, o alcalde de Verín quixo agradecer a súa colaboración tanto á Escola Provincial de Bandas de Gaitas como ao Obispado de Ourense.

Pola súa banda, Xosé Lois Foxo, o cal fixo unha visita guiada por toda a exposición, mostrábase agradecido co Concello de Verín, por invitalo a inaugurar este programa.

Fotos: Carlos G. Hervella

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies