ConcellosEn portadaÚltima hora

Incendio dunha vivenda en Sobrado (Trives)

Non houbo que lamentar danos persoais, pero a casa quedou totalmente calcinada. Os efectivos de emerxencias evitaron que o lume se estendera ás vivendas colindantes
Vivenda queimada en Sobrado (Trives)./ Foto: Protección Civil de Trives.

Arredor das once da noite do vernes 29 de marzo producíase un incendio nunha vivenda da localidade de Sobrado (A Pobra de Trives). Ata o lugar desprazábanse rapidamente Protección Civil de Trives (cun camión de bombeiros), o GES de Castro Caldelas (cun camión de bombeiros), Protección Civil de Río (cun camión de bombeiros) e Protección Civil de Manzaneda (cun camión de bombeiros), así como unha brigada da Xunta de Galicia e axente forestal, o 061 e a Garda Civil. Tamén se trasladaban a este lugar os alcaldes de Trives, Domingo Diéguez, e o de Manzaneda, Félix Domínguez.

Malia a cantidade de medios humanos e materiais mobilizados para sofocar o lume, a casa rematou totalmente calcinada e nada se pudo facer por salvala, pero non houbo que lamentar danos persoais. O que se logrou evitar é que o incendio se estendense ás vivendas colindantes.

A estas horas continúa un retén no lugar do incendio para controlar calquera posible reactivación.

Máis fotos:
https://www.osil.info/o-incendio-dunha-vivenda-en-sobrado-trives-en-imaxes/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close