Comezaba con varios focos simultáneos e afecta a unhas 100 hectáreas de superficie
Rozando as 23h. da pasada noite iniciábase un incendio forestal na parroquia de Castiñeira, pertencente ao concello de Vilariño de Conso. Comezaba, segundo informa a Consellería do Medio Rural, con varios focos simultáneos.
Ás 13:06 horas deste mediodía quedaba estabilizado e, segundo as últimas estimacións de Medio Rural, afecta a unhas 100 hectáreas. No seu control levan traballado un total de 7 axentes, 18 brigadas, 9 motobombas, 1 pa, 5 helicópteros e 3 avións.