Ás 13:20 horas do 9 de marzo iniciábase un lume forestal na parroquia de Candeda, pertencente ao municipio de Carballeda de Valdeorras, que quedaba controlado ás 21:37 horas dese mesmo día.
O incendio quedaba finalmente extinguido ás 19:15 horas do venres 10 de marzo. Segundo as últimas estimacións feitas públicas pola Consellería do Medio Rural, a superficie afectada foi de 111 hectáreas de monte raso. Nos traballos de extinción deste incendio participaron 1 técnico, 10 axentes, 15 brigadas, 9 motobombas, 2 pas e 3 helicópteros.
