Arredor das catro menos cuarto desta tarde de 12 de novembro producíase un incendio nunha vivenda situada na localidade barquense de Soulecín (O Barco). O lume orixinouse na cheminea, segundo as primeiras informacións.
Ata o lugar desprazábanse membros dos servizos de emerxencias: o GES Valdeorras, os bombeiros de Valdeorras, a Policía Local do Barco e a Garda Civil. Afortunadamente non hai que lamentar danos persoais.
