Inícianse na comarca de Verín unha serie de charlas sobre axudas para rehabilitar vivendas

A delegada da Xunta en Ourense sinalaba que se pretende “facilitar a información, colaboración e asesoramento necesario para tramitar eficazmente as subvencións convocadas polo Instituto Galego de Vivenda e Solo”

 

Co obxectivo de facilitar información e asesoramento para a tramitación dos diferentes programas de axudas exitentes en Galicia para a rehabilitación de vivenda vanse celebrar na provincia de Ourense unha serie de xornadas informativas. A primeira delas tiña lugar na comarca de Verín. En concreto, impartíase en Monterrei na tarde do 16 de abril, coa presenza da delegada territorial da Xunta en Ourense, Marisol Díaz.

A delegada explicaba que o obxectivo destas charlas informativas é “facilitar a información, colaboración e asesoramento necesario para tramitar eficazmente as subvencións convocadas polo Instituto Galego de Vivenda e Solo”. Nesta xornada explicábanse os diferentes tipos de axudas destinadas tanto a particulares como a concellos.

Os programas de axuda e fomento da rehabilitación suman un investimento de case 40 millóns de euros nos orzamentos da Consellería de Infraestruturas e Vivenda para 2018, e atenden criterios variados que van desde accesibilidade ata a sustentabilidade ou a mellora da calidade e conservación das construcións existentes.

Díaz Mouteira estaba acompañada pola xefa territorial, Alicia López Míguez, e por persoal técnico do Instituto Galego de Vivenda e Solo (IGVS). Defendeu os beneficios das axudas en materia de rehabilitación de vivenda, xa que non só impactan de forma moi positiva na mellora das contornas urbanas, senón que axudan a xerar emprego e riqueza de cara a fixar poboación.

 

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies