En portadaÚltima hora

Isidro García Tato: “Os monxes poden considerarse os verdadeiros pais do viñedo”

Este investigador pronunciaba unha conferencia no Barco sobre o o viño na Idade Media na actual Denominación de Orixe Valdeorras

 

Dende a perspectiva história, e baseándose nos documentos, abordaba o viño e a viticultura na comarca de Valdeorras o investigador Isidro García Tato, natural de Viladequinta (Carballeda de Valdeorras), na conferencia que impartía na tarde do 29 de novembro na Biblioteca Florencio Delgado Gurriarán do Barco. O seu título era “O viño na Idade Media na actual Denominación de Orixe Valdeorras”.

“O espazo a tratar non é a xurisdicción medieval de Valdeorras, que comprendía, pouco máis ou menos, os actuais concellos de Carballeda, Rubiá, O Barco, Vilamartín, A Rúa e Petín, senón o territorio que abrangue na actualidade a D.O. Valdeorras”, matizaba o ponente no inicio da súa intervención. Así a zona amparada pola denominación inclúe tamén a xurisdicción medieval “do Bolo” e “o couto de Larouco”.

García Tato destacaba ademais o papel clave dos centros monásticos na extensión do viñedo pola xeografía valdeorresa tras a época romana. “Os monxes pódense considerar como os verdadeiros patres vinearum (pais do viñedo)”.

Despois referíase á presenza de mosteiros e institucións monásticas en Valdeorras e o que supuxeron na xeralización do cultivo da vide e na súa extensión mesmo “en zonas onde as condicións xerais non eran as máis axeitadas para a obtención de viños de calidade”.

Esta conferencia formaba parte do ciclo divulgativo sobre a cultura vitivinícola que está a desenvolver neste outono o Museo do Viño de Galicia, neste caso en colaboración co CRDO Valdeorras, co Concello do Barco e co Instituto de Estudios Valdeorreses.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close