EconomíaEconomíaÚltima hora

O IV Astrotrevinca pretende consolidar A Veiga como referente do astroturismo

A cita levarase a cabo entre os días 22 e 24 de setembro e está dedicado a todos os públicos xa que haberá relatorios con expertos e observacións guiadas do ceo
Óscar Blanco, Rosendo Fernández e Juan Anta. // Foto: Carlos Asensio.

A IV edición de “Astrotrevinca”, no concello da Veiga, celebrarase os vindeiros días 22,23 e 24 de setembro. Segundo explicou o organizador deste evento, Óscar Blanco, na presentación de hoxe, 8 de setembro, o programa consta de de dúas noites de observación guiadas con telescopio: “levaremos un dos maiores telescopios de Galicia”, contou. Ese mesmo día tamén contarán con 5 relatorios relacionados coa astronomía e “logo a xente tamén terá tempo de percorrer A Veiga”. Nesta presentación tamén amosaron o vídeo promocional deste evento no que se amosan imaxes tomadas dende o teito de Galicia.

 

Neste senso, o alcalde da localidade, Juan Anta, asegurou que este evento “estase consolidando como referente da astronomía de Galicia”. O rexedor municipal explicou que dende a súa administración están “apostando por isto” xa que isto atrae a un turismo familiar “que se convirte nun tipo de turismo sostible”, dixo. Asemade, Anta foi ambicioso ao asegurares que o seu obxectivo é que a Veiga “sexa o referente do astroturismo de España”.

Astrotrevinca está pensado para todos os públicos, “tanto expertos, como afeccionados e interesados en introducirse no mundo da astronomía”, asegurou Óscar Blanco. E o alcalde da Veiga asegurou que “haberá máis sorpresas ao longo deste ano relacionadas con este tema”.

Pola súa banda, o vicepresidente da Deputación, Rosendo Fernández, fixo referencia ao astroturismo como “un turismo emerxente” e informou que A Veiga é un dos 11 destinos “Starlight” do mundo. “Starlight” é unha asociación sen ánimo de lucro que se encarga de buscar os mellores puntos do mundo onde poder observar o ceo e Trevinca é un deses puntos.

Texto: Carlos Asensio. 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close