Ás portas da pretempada, o Centro de Deportes Barco vai perfilando xa o novo plantel para a campaña 2022/2023 anunciando a través do Twitter moitas renovacións, algunha baixa e tamén novas incorporacións.
No apartado de renovacións, ata o momento está confirmada a continuidade no club barquense de Aitor Arias, Óscar Martín, Iago López, Andrés Calvo, Carlos Cruz, Pablo Rubio, Pacho e Juan Barbeito. Ademais, pasan ao primeiro equipo os xuvenís Erix Rellán e Manu Rodríguez.
No apartado de fichxes, a primeira incorporación confirmada polo presidente do CD Barco, Nilo Ramos, é a do madrileño Jaime Almagro, xogador de banda “veloz e habilidoso” que chega a Valdeorras procedente do CD Pozoblanco. Ten experiencia na 2ª B co Lleida e o Villanovense, xogando ademais en equipos como Atlético de Madrid “B”, Numancia “B”, Leganés “B”, Fuenlabrada ou Deportivo Aragón.
E con respecto ás baixas, deixan o club Oli e dous veteranos, David Álvarez e Ivi Vales que causan baixa despois de seis tempadas no club barquense. Ámbolos dous chegaban ao Barco en 2016 disputando máis de 180 partidos, dous play off e dando á afección moitas tardes de fútbol.
