A banda compostelá comeza no Barco a xira por Galicia trala vitoria no “Imagine Festival Spain”
A banda de Santiago de Compostela Ivy Moon dará mañá venres 1 de abril o seu primeiro concerto trala vitoria no “Imagine Festival Spain” coa que se converteron nos representantes de España na final internacional que se celebrará o vindeiro mes de decembro en Croacia.
Ademais de participar na final do “Imagine Festival”, a banda galega gravará unha maqueta nun estudo profesional e fará unha xira de concertos por España. Pero antes, teñen unha intensa axenda de concertos por Galicia, especialmente no mes de abril, no que farán un total de 4 directos que empezan na Sala Baranda no Barco de Valdeorras, mañá venres 1 de abril a partires das 23:30h.