DeportesÚltima hora

A IX Andaina Solidaria de Cenlle celebrarase o 11 de marzo

Os participantes, que nos últimos anos viñan rodando o milleiro, poderán escoller entre un percorrido curto de 11 km e un longo de 20 km
Acto de presentación da andaina en Ourense.

A partires das nove e media da mañá do vindeiro domingo 11 de marzo darase a saída da IX edición da Andaina Solidaria do Concello de Cenlle “Xuntos coas enfermidades neurodexenerativas”. O seu punto de partida, e tamén meta, será o colexio desta localidade ourensá. “Este ano a causa solidaria será a favor de Aodem (Asociación Ourensana de Esclerosis Múltiple, Ela, Parkinson e outras enfermedades neurodexenerativas), aportando cada participante 2 de cada 5 euros da inscrición a dita asociación”, segundo se indica dende a organización.

A andaina ofrecerá dous percorridos: un curto de 11 km e un longo de 20 km. A día de hoxe xa hai 300 inscritos, “o que nos fai estimar unha participación similar a dos últimos anos, rondando os 1.000 participantes”, indican os promotores. Haberá avituallamientos durante o percorrido e no final da proba, ademais os mais cativos poderán facer un percorrido máis curto con monitores e actividades lúdicas e infantís.

Dende a organización tamén se destaca “a colaboración de Cruz Vermella e de Protección Civil da Mancomunidade do Ribeiro para o control da proba, así como dos 30 voluntarios/veciños do concello e dos 25 patrocinadores que colaboran”.

O acto de presentación desta iniciativa deportiva tiña lugar na mañá do 5 de marzo en Ourense coa asistencia de Gabriel Allén Castro, alcalde de Cenlle, e de Susana Fernández, presidenta de Aodem.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close