CulturaCulturaGalerías de fotosÚltima hora

IX Festival das Artes Escénicas de Riós, os días 13 e 14 de agosto

Susana Seivane recibirá a Castaña de Cristal pola súa ampla carreira artística e a súa firme aposta polo folclore e música galegos

Todo está xa preparado para celebrar unha nova edición do Festival das Artes Escénicas “Abelardo Gabriel” de Riós, promovido polo actor, director e produtor ourensán Rubén Riós, os días 13 e 14 de agosto.

A primeira cornada, o 13 de agosto estará centrada no cinema. Ás 19 horas no Centro Cultural de Riós presentarase o musical “Superpunki”, e o documental “O Día dos Afogados”; e xa a partires das 22 horas, no Souto de Castiñeiros será a Gala do Audiovisual presentada por Rubén Riós na que se proxectará as súas obras “Vida” e “Máis ca Vida”, continuando cun espectáculo musical que inclúe as actuacións de Fredi Leis, autor da música de “Vida” e teloneiro de Alejandro Sanz en varios dos seus concertos neste verán; Susana Seivane (premio Castaña de Cristal) e a banda de gaitas de Riós, durante estas actuacións entregarase a Castaña de Cristal a Susana Seivane, pola súa ampla carreira artística e a súa firme aposta polo folclore e música galegos.

O domingo 14 de agosto será unha xornada marcada pola emotividade, a música, a tradición e a gastronomía. Prececida por actividades infantís (pintacaras, papiroflexia, hinchables), a partires das 12 horas comezará A Ruta do Talento, trazando un percorrido ao longo de castiñeiros milenarios que nesta edición reciben novos padriños e madriñas. Xosé Neira Vilas (a título póstumo) e as afeccións do Real Club Celta de Vigo e Real Club Deportivo da Coruña serán as personalidades elixidas para o bautizo dos exemplares ancestrais da devandita especie. O acto será conducido pola xornalista e presentadora Lucía Rodríguez, e contará coas actuacións dos nenos participantes nas Xornadas Creativas, patrocinadas pola Dirección Xeral de Xuventude dentro do proyecto RuraliZarte; e Miguel Guido.

E xa pola noite, a partires das 22 horas celebrarase a IX Gala das Artes Escénicas que será presentada por Lucía Rodríguez. O humor chegará da man de Candido Pazó, para dar paso as actuacións de Xoel Yañez e Lucía Álvarez (teatro Viaxe da vida) e rematando cunha homenaxe a Xil Ríos da man de Tania Fuegho e Emilio Rúa.

O programa desta edición do festival era presentado na mañá do 2 de agosto no Centro Cultural Marcos Vñalcarcel, nun acto que contou coa presenza do conselleiro de Política Social, José Manuel Rey; do director do festival, Rubén Riós; da artista homenaxeada coa Castaña de Cristal, Susana Seivane; do vicepresidente da Deputación, Rosendo Fernández; e do alcalde de Riós, Francisco A. Veiga.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close