En portadaÚltima hora

A IXP Castaña de Galicia e Proagrosilga, no VIII Encontro Europeo da Castaña en Italia

Este foro sectorial e de investigadores desenvolverase ata o vindeiro 16 de setembro en Marradi (Toscana) e aborda, entre outras cuestións, as pragas que afectan a este cultivo
Algúns dos participantes no VIII Enontro Europeo da Castaña en Marradi (Italia). Entre eles están o valdeorrés Francisco Barredo, presidente de Proagrosilga, e o presidente da IXP Castaña de Galicia, Jesús Quintá./ Foto: IXP Castaña de Galicia.

A praga da avespiña do castiñeiro centraba, unha vez máis, o inicio do VIII Encontro Europeo da Castaña na xornada do 14 de setembro. Este foro internacional desenvolverase ata o vindeiro 16 de setembro en Marradi (Italia) e nel a comunidade galega está representada a través da Indicación Xeográfica Protexida (IXP) Castaña de Galicia e da Asociación de Produtores e Exportadores de Produtos Agrosilvestres de Galicia (Proagrosilga).

Tamén acudían representantes da Rede Estatal do Castiñeiro co obxectivo de “confirmar a efectividade da metodoloxía seguida en Italia para superar a praga da avespiña, dende que no ano 2009 se tomara contacto cos equipos de investigación italianos ante a previsión da chegada da ameaza á península”, segundo se indica dende esta entidade.

Dende a Rede Estatal do Castiñeiro tamén lamentan que “non asistira ao encontro ningún dos investigadores responsables de avaliar a afección á biodiversidade do uso do Torymus sinensis (depredador natural da avespiña), nin dos grupos que se opoñen á autorización do uso do mesmo como método de control biolóxico, xa que desta maneira poderían coñecer de primeira man as liñas de investigación e dos resultados obtidos polos científicos europeos máis importantes”.

Ademais de ponencias e diversas mesas redondas, neste encontro tamén haberá varias presentacións de libros. Finalmente, os días 15 e 16 de setembro están previstas visitas técnica a zonas produtoras e a empresas elaboradoras.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close