OurenseÚltima hora

Javier Gutiérrez e Cristina Castaño encabezan o reparto de “¿Quién es el señor Schmitt?”, este venres no Auditorio de Ourense

A obra comeza como comedia, torna thriller de suspense e acaba bordeando o drama e mesmo a traxedia con trazas de absurdo
Javier Gutiérrez e Cristina Castaña.

Dous dos rostros galegos máis recoñecidos do cine e da televisión na actualidade, Javier Gutiérrez e Cristina Castaño son os protagonistas de ¿Quién es el señor Schmitt?, a obra de teatro que programa o Auditorio Municipal este venres ás 20:30 horas. Dirixida por Sergio Peris-Mencheta a partir dun texto orixinal de Sébastien Thiéry, a obra pon en escena ao señor e á señora Carnero que, namentres cean tranquilamente na súa casa, reciben unha chamada de teléfono na que un misterioso interlocutor insiste en falar cun tal señor Schmitt… O pánico apodérase de todo, comezou o pesadelo.

Trátase dunha obra nada común, que empeza como comedia, logo torna thriller de suspense para acabar bordeando o drama e mesmo a traxedia con trazas de absurdo. Desde po primeiro momento búscase a implicación do público, quen deberá decidir tamén o final da obra, que xoga continuamente con quen é realmente cada un e con que busca na vida, co real e co inventado. A negación dunha realidade difícil, perturbadora e ou simplemente insoportable pode volver ficticio o cotiá, obrigando o espectador a cuestionarse que é xenuíno e que non.

Esta adaptación de Segio Peris-Mencheta, dunha duración de 90′, conta tamén coa participación de actores como Armando Buika, Xabier Murua e Quique Fernández, aínda que a propia escenografía podería contar coma un elemento narrativo de grande intensidade.

As entradas están á venda a partir de 15 € en www.ataquilla.com, na Sala de Exposicións Afundación e no despacho de billetes dúas horas antes da función.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close