Publicidade
En portadaGalerías de fotosÚltima hora

Jesús Rodríguez, campión da Copa España sprint de augas bravas

Ademais deste título, o Fluvial Barco conseguía outros dous podios en veteranos da man de Bernardo Sánchez e Fernando García, primeiro e segundo nesa categoría, respectivamente

Saldo moi positivo para o Fluvial Barco na primeira das tres probas nacionais de augas bravas que se están a disputar nesta fin de semana no río Sil. Na Copa España sprint individual, celebrada na tarde do sábado 7 de abril, os valdeorreses colleitaban ata tres medallas. O mellor resultado conseguíao Jesús Rodríguez, que vencía en K-1 senior, onde o seu compañeiro Sergio Ruiz quedábase ás portas do podio, cun cuarto posto.

Ademais, na categoría de K-1 veteranos impoñíase Bernardo Sánchez, mentres que Fernando García conseguía situarse en segunda posición. A única padexeira do Fluvial Barco na competición, Marta Paradelo, clasificábase sexta na categoría sénior K-1.

 

Outros resultados galegos destacados nesta regata española eran o terceiro posto sénior K-1 de Marcos González e o segundo de Manuel Freire en C-1 sénior (Fluvial Lugo), así como a segunda posición sénior de Andrés Saco e Nicolas Díaz do C.P. Quixós de Monforte e a segunda sénior feminina de Lucía Cabo en K-1.

A xornada do sábado concluía coa entrega de premios ás oito da tarde na sede do Club Fluvial Barco. Nela participaban o concelleiro de Deportes no Barco, Aurentino Alonso, o representante de Iberdrola Miguel Ángel López, e o presidente do club valdeorrés, Fernando García.

A competición de augas bravas continuará mañá domingo con outras dúas regatas. A primeira delas será a Copa España clásica individual, con saída dende as Cortes ás nove da mañá, estando a súa meta nas proximidades da desembocadura do regato Mariñán no Sil. Esta cita será ademais campionato galego nesa modalidade.

Despois, disputarase o Campionato de España por patrullas, tamén na modalidade clásica. Como punto de partida terá novamente As Cortes.

Fotos: Carlos G. Hervella.

Máis información e fotos:
https://www.osil.info/o-fluvial-barco-gana-o-campionato-de-espana-de-descenso-clasica-de-augas-bravas-por-patrullas/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close