Traxes de noiva, lencería, festa e moito máis. O modelo, estilista e agora tamén deseñador, Jorge Álvarez, ultima o que será un novo e espectacular desfile de moda.
A praza Maior de Viana do Bolo acollerá o vindeiro domingo 6 de agosto (a partires das oito da tarde,) un espectáculo téxtil que contará coa presenza sobre a pasarela duns vinte modelos, de Viana, do Barco e tamén de Vigo. Da cidade olívica chegará Yago Corbal (ex concursante de “Mujeres Hombres y Viceversa”), todo un reclamo para o evento que contará con outras colaboracións.
Por parte do vianés Jorge Álvarez (xerente de Jorge Álvarez Estilistas) correrá a perruquería e a maquillaxe das modelos pero tamén dous pases de moda: un de lencería e outro de noivas. E ademais desfilarán modelos con estilismos de Pizpireta (O Barco) e Fíos (A Rúa).