CulturaCulturaenBarcArteÚltima hora

Jorge Barredo traza na instalación “Sneffels” unha entrada imaxinaria a outros mundos no río Sil

Esta é unha das obras participantes na segunda edición do Festival enBarcArte do Barco

 

Sobre a superficie do río Sil, moi preto da pasarela que conecta o Paseo do Malecón co Salgueiral, un aro de luz aparece cada noite dende o pasado 9 de setembro. Esta é unha das obras que forman parte do 2º Festival de Instalacións Artísticas no contexto urbano do Barco, enBarcArte, que tamén nesta edición actúa sobre o río.

 

 

Esta instalación, obra de Jorge Barredo (que é tamén o curador do festival), leva por título “Sneffels”, nunha alusión directa ao cráter polo que se accedía á cerna do planeta na novela “Viaxe ao centro da terra” de Xulio Verne. “Desta idea misteriosa e mítica xorde o proxecto de realizar un círculo de luz, esta vez non no cume de ningunha montaña, senón no medio do noso marabilloso río Sil, como se se tratase dunha entrada imposible a outra dimensión, a outro mundo, onde todas as posibilidades nos son descoñecidas”, comenta Jorge Barredo.

 

 

A cor deste círculo de luz vai mudando de cor e reflexándose, a modo de espello, na auga do Sil, e, “á vez, parece flotar maxicamente coma se planeara no espazo”, engade o seu autor. Esta obra foi posible grazas á colaboración da empresa ANPEMA.

Fotos: Jorge Barredo.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close