CulturaCulturaÚltima hora

José Antonio Gurriarán presentará o seu novo libro “As mulleres do monte” no Barco

Será nun acto que está previsto para o vindeiro 21 de outubro no salón multiusos da vila
José Antonio Gurriarán durante unha das entrevistas realizadas para a preparación deste libro, neste caso con Consuelo Rodríguez./ Foto cedida por José Antonio Gurriarán.
José Antonio Gurriarán durante unha das entrevistas realizadas para a preparación deste libro, neste caso con Consuelo Rodríguez./ Foto cedida por José Antonio Gurriarán.

Dos recordos infantís en Valdeorras e do impacto que nese intre da súa vida lle causou a “loita contra o maquis, os fuxidos” xurde o novo libro do xornalista e escritor barquense José Antonio Gurriarán. Trátase de “As mulleres do monte. Lembranzas e pantasmas dun neno da posguerra”, un volume de carácter autobiográfico e histórico que vén de publicar a Editorial Galaxia neste outono.

“Despois do prólogo que me fixo Alfonso Guerrra (que como presidente da Fundación Pablo Iglesias tivo moitos contactos cos homes e mulleres do monte exiliados durante a dictadura) fago una introdución que resume os temas fundamentais e os porqués do libro”, comenta Gurriarán referíndose ás primeiras páxinas de “As mulleres do monte”.

Desta volta, Gurriarán pon o foco no papel que desempeñaban as mulleres no maquis, “fornecendo refuxio e apoio aos fuxidos. Moitas desas mulleres levaban practicamente o peso do Servizo de Información da República”, segundo a referencia que sobre o libro fai Galaxia. O libro foi traducido ao galego por Felipe-Senén López.

Portada do novo libro de José Antonio Gurriarán.
Portada do novo libro de José Antonio Gurriarán.

A obra será presentada no Barco o vindeiro 21 de outubro. O acto, que contará coa presenza do autor, terá lugar ás sete e media da tarde no salón de actos do multiusos e será organizado en colaboración coa Concellería de Cultura barquense. Nel participarán Víctor F. Freixanes, director xeral de Editorial Galaxia; Alfredo García e Margarida Pizcueta, alcalde e concelleira de Educación e Cultura do Barco; Aurelio Blanco Trincado, presidente do Instituto de Estudios Valdeorreses; Santiago Macías, fundador da Asociación para a Rercuperación da Memoria Histórica e o historiador Ricardo Gurriarán. Ademais José Antonio Gurriarán prevé facer presentacións noutros lugares próximos a Valdeorras como é o caso de Ponferrada (León).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close