“A democratización e transparencia da actividade municipal” é un dos retos principais cos que José Luís Rodríguez Dobaño se presenta como candidato á alcaldía de Muíños polo PSdeG-PSOE. Considera que o Concello ten que ser un foco de desenvolvemento “onde as persoas de Muíños se vexan representadas e apoiadas, as instalación municipais teñen que ser espazos para a comunidade desde os que se promova a cultura e a eficiencia a través de un uso adecuado”. Tamén incide en que o Concello debe implicarse “de forma activa cos servizos sociais, mellorando a calidade de vida dos maiores e dependentes das súas familias”.
Rodríguez Dobaño, de 55 anos, é natural deste municipio ourensán e mestre. Realizou a súa actividade profesional na vila como en Muiños como director de oficinas bancarias ao longo de máis de 25 anos, na actualidade está prexubilado e xunto coa agrupación socialista decidiu “dar un paso adiante para representar as inquietudes dos e das progresistas de Muiños”.
Ademais, xunto co resto da candidatura socialista, pretende apostar polo desenvolvemento económico, social e cultural do municipio de Muiños co obxectivo de frear a despoboación e fixar poboación. Cre tamén importante a posta en valor dos “recursos autóctonos, a paisaxe e o entorno natural así como a oportunidade das infraestruturas para acadar oportunidades no rural”.
Entre as medidas que se proporán para acadar estes obxectivos destacan a posta en valor dos recursos das Comunidades de Montes, transformación e aproveitamento dos recursos forestais e o fomento de un turismo ordenado, destemporalizado e que aporte dinamismo a vila. Outro dos aspectos relevantes e o apoio ó fomento de iniciativas empresariais que promovan emprego en definitiva.
