José Octavio Rodríguez encabezará a candidatura socialista na Gudiña nas eleccións de maio

Explica que se presenta aos comicios porque “os socialistas queremos recuperar a representación municipal que perdemos nas últimas eleccións para darlle a volta as políticas involutivas”

José Octavio Rodríguez Rodríguez, candidato socialista á alcaldía da Gudiña.

O PSdeG-PSOE de Ourense vén de facer público o nome da persoa que liderará a lista que este partido presentará ás vindeiras eleccións municipais na Gudiña. Será José Octavio Rodríguez Rodríguez, mestre de profesión, e que xa formou parte da Corporación municipal como concelleiro socialista hai unas lexislaturas.

Octavio Rodríguez explica que se presenta as eleccións porque “os socialistas queremos recuperar a representación municipal que perdemos nas últimas eleccións para darlle a volta as políticas involutivas nas que nos meteu o PP ao longo dos anos. Os socialistas precisamos recuperar a nosa voz na Corporación municipal”.

O candidato socialista apunta que “necesitamos unha mellora nas infraestruturas do pobo, temos a autovía o carón, pero as rúas da localidade están desfeitas. Tamén temos que incidir na mellora da rede de saneamento e resulta inconcebible que un concello sobrante de auga, careza da suficiente no verán”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies