José Vicente Solarat: “Aproveitaremos as sinerxias de Autoneum”

O candidato á alcaldía de RUA avogaba tamén no mitin de peche de campaña por desenvolver o turismo coa posta en valor do Camiño de Inverno

Cun mitin no Centro Cultural Avenida da Rúa pechaban a campaña electoral na tarde do 24 de maio Rueses Unidos Adiante (R.U.A.). O seu cabeza de lista, José Vicente Solarat comezaba o acto facendo un “amplo resumo dos proxectos realizados” durante a súa xestión, anos atrás, como alcalde da Rúa. “Son fotos dunha serie de obras que se convertiron en realidades polo apoio do RUA, entre elas o Parque de Bombeiros, as dúas residencias da terceira idade, a primeira fase do polígono das Pedreiras, a instalación de Autoneum e o Centro Cultural Avenida”, dicía mentres se ían proxectando.

 

Presentaba aos integrantes da súa lista e despois expoñía os principais proxectos que pretenden levar a cabo de acceder ao goberno municipal. Unha das áreas nas que quere incidir é a creación de emprego con iniciativas como o aproveitamento das sinerxias da fábrica Autoneum para “captar novas empresas”, tamén a posta en valor do Camiño de Inverno “cara o próximo Xacobeo 2021, aproveitando as vantaxes que supón que A Rúa sexa fin da etapa do Puente de Domingo Flórez”, así como a creación dunha ruta fluvial en catamarán, “importando o modelo da Ribeira Sacra” ou a “adaptación de espazo para a Escola de Hostalaría”.

 

 

Solarat tamén plantexaba actuacións para dinamizar a vila e propostas para “facer da Rúa un escaparate” como a mellora do acceso e instalacións do miradoiro do Barranco Rubio ou completar obras no entorno da praza de Fontei e adro da igrexa e praza na Rúa Vella. No acto tamén tomaban a palabra os membros da súa candidatura.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies