O pavillón municipal de A Malata (Ferrol) acollerá o vindeiro domingo 23 de outubro, o campionato galego de karate para as categorías cadete, júnior e sub 21 (masculino e feminino) nas modalidades de kata e kumite. Unha competición que contará cunha alta participación valdeorresa.
Por parte do Karate Club O Barco asistirán varios deportistas. Na categoría cadete irán Lucía Herrero Valcarce, en kata (formas técnicas) e kumite (combate); e Iago Fernández Prada, en kumite. Con respecto á categoría júnior aistirán Juan Herrero Valcarce, en kata e kumite (Combate); e Marcos Fernández González e Pedro Cea Mesillas, en kumite.
Por parte do Karate Club Rúa competirá un único karateka: o cadete Alejandro Murias Tarazaga, en kata e kumite.
E por parte do River Stone do Barco, en cadete participarán Aida de Pedro López, Daniel Rodríguez Bertuce e Nicolás Vega Voces; e en júnior, Lidia de Pedro López e Jorge Amigo Nieto.