Con “P’aquí p’allá”, un dos seus temas máis coñecidos, La Fuga pechaba na noite do 12 de setembro un intenso concerto de case dúas no que facía vibrar, cantar e bailar sen cesar á multitude de persoas que enchían a praza Andrés de Prada no Barco.
Os catro compoñentes deste grupo de rock and roll facían un percorrido por boa parte da súa discografía con pezas como “Maldita”, “Por verte sonreir”, “Buscando en la basura”, “Baja por diversión” ou “Heroína”, entre outras. Este é un dos concertos incluídos no programa das Festas do Cristo 2015.
Fotos: Ángeles Rodríguez
