ConcellosGalerías de fotosÚltima hora

Labores de desinfección no municipio de O Bolo

A tarefa levábase a cabo coa colaboración de Protección Civil, o Concello e adegueiros e viticultores cos seus tractores

 

Dous días despois de que un grupo de viticultores, adegueiros e agricultores colaboraran con Protección Civil da Rúa na desifección das rúas do municipio cos tractores atomizados, repetíanse os labores, pero desta volta no concello de O Bolo.

Na tarde deste venres 27 de marzo, completábase á desinfeción de estradas e espazos públicos deste concello valdeorrés. Con saída na área de servizo de Lentellais e coa colaboración da Agrupación de Voluntarios de Protección Civil do Bolo e do Concello, os tractores espallábanse por todos e cada un dos 28 pobos do municipio, limpando e desinfectando para loitar contra o coronavirus.

Dende o Concello de O Bolo agradecen o labor desinteresado que levaron a cabo na xornada de hoxe. “Así dá gusto facer cousas”, asegura o tenente de alcalde. Ademais del e dun traballador do Concello e o seu fillo, colaboraron no traballo membros de Protección Civil e Bodegas Rafael Palacios (de quen partíu a iniciativa); Viña Corzo; e Adega Telmo Rodríguez ademais de varios viticultores a nivel particular (Daniel e Raquel de Chandoiro, Santiago e Manolo de Chandoiro, Vicente de Outar de Pregos, Baldomero de Chandoiro e Laudino de Outar de Pregos).

Fotos cedidas

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close